अथर्वको अर्थ (Meaning of Atharwa):
हिन्दु धर्म अर्थात वैदिक सनातन धर्ममा ४ वेद र ४० उपवेदले मानव जीवन र प्रकृतिका हरेक पक्षलाई मार्ग दर्शन गरिरहेका हुन्छन् । यिनै ४ वेद मध्ये  अथर्व वेदले अर्थ आर्थिक विषयमा प्रकाश पारेको छ । यहि वेदको नाममा अथर्वको साईनो जोडिएको  छ ।

परिकल्पना (Vision):  
“सर्वाेत्कृष्ट साकोस बनाउने ।” 

ध्येय – (Mission)
“सदस्यहरुको आर्थिक, सामाजिक तथा साँस्कृतिक अवस्थामा सुधार गर्न गुणस्तरीय, अत्याधुनिक प्रविधियुक्त, सर्वसुलभ वित्तिय तथा अन्य सेवा उपलब्ध गराउने ।”

लक्ष (Goal):

• स्रोत र साधनको अधिकतम् प्रयोग गरी सदस्यहरुलाई गुणस्तरीय सेवा प्रदान गर्ने । 
• साना उद्योग व्यवसायीहरुलाई प्रोत्साहन गर्ने किसिमका कार्यक्रम ल्याउने । 
• सदस्यहरुलाई नियमित बचत गर्ने बानी बसाल्ने । 
• साधन स्रोत सहितको प्रविधियुक्त सदस्यमैत्री संस्थाको रुपमा विकसित गराउने । 
• आगामी बर्षहरूमा यस संस्थालाई सवल संस्थाको रुपमा विकास गर्ने । 

उद्देश्यहरु(Long-term Objectives): 

• संस्थाका सदस्यहरु बीच पारस्परीक सहयोग एवं मितव्ययीताको भावना अभिवृद्धि गरी नियमित बचत गर्ने बानी प्रवर्धन गर्ने ।  
• सदस्यहरुलाई रोजगारी र आय वृद्धि हुने व्यवसाय सञ्चालन गर्न प्रेरित गरी आय वृद्धि गर्ने । 
• व्यवसायीक सीप विकास गर्न सदस्यहरुलाई तालिम र शिक्षा प्रदान गर्ने ।
• पिछडिएका, आदिवासी, दलित, सिमान्तकृत र जनतातिलाई सदस्यतामा प्राथमिकता दिने ।

संस्थागत मूल्य र मान्यताहरु (Norms and Values):
सहकारीका सर्वमान्य सिद्धान्त,र आदर्शलाई आत्मसात गर्दै तपसिलमा उल्लेखित मूल्य र मान्यतामा संस्था चलेको छ ।

संस्थागत मूल्य (Values):

• ईमान्दारिताः प्रत्येक शेयर सदस्यहरु, विभिन्न समिति, उपसमितिहरु र कर्मचारिहरुले अन्तर आत्मावाट पालना गर्नु पर्ने पहिलो शर्त ईमान्दारिता हो ।
• भविष्यको सहाराः प्रत्येक सदस्यहरुले संस्थालाई भविष्यको सहाराको रुपमा लिएका हुन्छन् । किनकी अशक्त अवश्थामा संस्थाले वचतको व्याज सदस्यहरुको घरघरमा पुर्याईदिने वाचा गरेको छ । हामी वृद्ध हुनेछौ, दस्तखत नमिल्न सक्दछ, लालन पालन गर्ने छोरा छोरहिरु टाढा हुन सक्दछन् । त्यस अवश्थामा वचत रकमले केहि मद्त गर्न सक्दछ । त्यसैले कुनै पनि मूल्यमा सो वाचा पुरा गर्नु पर्दछ ।

सदस्यहरुको सेवाः सदस्यहरुको सेवालाई संस्थाले आत्मसात गर्ने र सदस्यहरुले पनि संस्थाको मूल्य र मान्यतालाई पालना गर्नु दोहोरो सेवाभाव हो । संस्थाले कुनै पनि मूल्यमा सो वाचा पुरा गर्नु पर्दछ ।

संस्थागत मान्यता (Norms):

• अग्रगामी सोचः परम्परागत विचार र विधी विधानको अनुसरणले मात्र आधुनिक प्रतिस्पधी र प्रविधीयुक्त समाजमा संस्थाले प्रगती गर्न सक्तैन । तसर्थ प्रतिपादित नीतिनियम अनुसार चल्ने मात्र होईन निती नियमलाई नै सुधार गर्ने अनुभव पनि संगाल्नु पर्दछ र सुधार गर्दे जानु पर्दछ ।
• पूजि विकासः प्रत्येक सदस्यलाई दुर्लभ पूँजी – (नगद रकम) संचित र वृद्धि गर्ने वातावरणको सृजना र प्रोत्सहान संस्थाको दोस्रो मान्यता हो ।
• वचतको सुरक्षाः कठोर मेहेनत गरेपछि मात्र प्राप्त हुने वचत रकमको सुरक्षाको प्रत्याभूति संस्थाको अर्को मान्यता हो । सुरक्षित लगानी र जमानत यसको आधार हो ।